Heiðrun sjómanna fyrir farsæl félags- og sjómannastörf og björgun mannslífa fór fram í Hörpu á Sjómannadaginn 4. júní og var þeirri athöfn útvarpað beint á Rás 1.
Eftirtaldir sjómenn voru heiðraðir af formanni Sjómannadagsráðs, Aríel Péturssyni:
Andrés Hafberg vélstjóri
Björgvin Jónasson vélstjóri
Guðmundur Bjarnason skipstjóri
Ívar Bjarnason sjómaður
Kristján Lúðvík Ásgrímsson sjómaður
Markús Alexanderson skipstjóri
Tónlistarflutningur var á vegum Lúðrasveitar Reykjavíkur undir stjórn Hannah O’Connor og Karlakórs Fóstbræðra undir stjórn Árna Harðarsonar. Ávarp flutti Svandís Svavarsdóttir, matvælaráðherra.
Ræðumaður sjómanna var Arna Valdís Kristjánsdóttir, sjómaður á Vigra RE 71.
Jafnframt var Einari Björnssyni veittur Neistinn, viðurkenning Félags vélstjóra og málmtæknimanna fyrir fyrirmyndar yfirvélstjórastörf.
Hér fyrir neðan má sjá nokkrar myndir frá athöfninni.
